काठमाडौं । लेखक ताथ पत्रकार श्रीश भण्डारीको किशोर–उपन्यास ‘अकथित’ शुक्रबारदेखि बजारमा आएको छ । उपन्यासमा 'बुलिङ'का कारण किशोर किशोरीको व्यक्तित्व विकासमा आउन सक्ने अवरोध र उनीहरूले सामना गर्नुपर्ने अप्ठेराहरूलाई कथानकमार्फत प्रस्तुत गरिएको छ ।  

प्रविधि प्रयोगमा आएको व्यापकतासँगै पछिल्लो समय सामाजिक सञ्जालमार्फत अनावश्यक सन्देश पठाउने, अश्लील शब्द, तस्बिर वा भिडियो पठाउने वा त्यस्तै भाषा प्रयोग गरेर दुःख दिने हर्कत बढ्दै गएका छन् । यस्ता क्रियाकलापहरू साइवर बुलिङ अन्तर्गत पदर्छन् । लेखक भण्डारीको ‘अकथित’ उपन्यासले साइबर बुलिङ्को यो पक्षलाई पनि चेतनामूलक ढंगले समेटेको छ ।

प्रकाशक इटर्नल पब्लिकेसनका अनुसार, उप्रेरणात्मक पुस्तक अठोटका समेत लेखक रहेका भण्डारीको उपन्यास विद्यालय उमेरका सबै किशोरकिशोरीका लागि उपयोगी छ । किताबको मूल्य २७५ रुपैयाँ छ ।