काठमाडौं । नेपाल धितोपत्र बोर्डले समता घरेलु लघुवित्त वित्तीय संस्थालाई थप सार्वजनिक निष्कासन (एफपीओ) जारी गर्न स्वीकृति दिएको छ । बोर्डले असोज २९ गते कम्पनीलाई १०० रुपैयाँमा तीन लाख ५० हजार ९०४ दशमलव २५ कित्ता एफपीओ निष्कासन गर्न अनुमति दिएको हो ।

कम्पनीले २०७८ चैत २९ गते एफपीओ निष्कासन गर्न बोर्डमा निवेदन दिएको थियो । कम्पनीले तीन वर्षपछि मात्र एफपीओ निष्कासन गर्न अनुमति पाएको हो । कम्पनीले प्रतिकित्ता १०० रुपैयाँमा तीन लाख ३२ हजार ८५६ कित्ता एफपीओ निष्कासन गर्न अनुमति मागेको थियो ।

यो एफपीओ निष्कासन तथा बिक्री प्रबन्धकमा मुक्तिनाथ क्यापिटल लिमिटेड छ । बिक्री प्रबन्धक मुक्तिनाथ क्यापिटलले केही दिनमा सर्वसाधारणका लागि एफपीओ निष्कासन गर्ने प्रबन्धपत्र सार्वजनिक गर्नेछ ।