काठमाडौं । आउँदो डिसेम्बर २५ मा ‘सोनु निगम लाइभ इन नेपाल’ शीर्षकको सांगीतिक कार्यक्रम हुने भएको छ । आइतबार हायात रिजेन्सी होटेलमा एक कार्यक्रमबीच नेपाली टच नेपालले ‘सोनु निगम लाइभ इन नेपाल’को औपचारिक घोषणा गरेको हो ।

नेपाली टचले विगत १५ वर्षदेखि अस्ट्रेलियामा विभिन्न इभेन्ट गर्दै आएको छ । यसले नेपालमा पहिलोपटक सांगीतक कार्यक्रम गर्न लागेको हो ।

नेपाली टच नेपालका प्रमुख राजकुमार गोस्वामीले क्रिसमसमा हुने कार्यक्रमका निम्ति आजैदेखि टिकट बिक्री सुरु भएको बताए । ईसेवामार्फत टिकट किन्न सकिनेछ ।