काठमाडौं । वर्ल्ड इनोभेसन, टेक्नोलोजी एन्ड सर्भिसेस अलायन्स (डब्ल्यूआईटीएसए)को कोषाध्यक्षमा रणजितकुमार पोद्दार नियुक्त भएका छन् । कम्प्युटर एसोसिएसन नेपाल महासंघ (क्यान महासंघ)का अध्यक्ष समेत रहेका पोद्दार विश्वका ८० सूचना प्रविधि संस्थाको अन्तर्राष्ट्रिय संगठन विट्साको कोषाध्यक्षमा नियुक्त भएका हुन् ।

क्यान महासंघका महासचिव चिरञ्जीवी अधिकारीका अनुसार, विट्साले विश्वभर सूचना प्रविधिका क्षेत्रमा भएका नवीनतम् प्रयोग र विकासबारे संसारलाई जानकारी गराउने काम गर्छ । साथै, नयाँनयाँ प्रविधिका बारेमा खोज, अनुसन्धानमा संलग्न हुने र त्यसका निम्ति विश्व समुदायलाई साथ र सहयोग गर्ने काम यो संगठनले गर्दै आएको छ ।