काठमाडौं । संसदीय सुनुवाइ समितिले सर्वोच्च अदालतको प्रधानन्यायाधीशमा सिफारिस प्रकाशमानसिंह राउतको सुनुवाइ असोज १६ गते गर्ने निर्णय गरेको छ । 

आज सिंहदरबारमा बसेको बैठकले यस्तो निर्णय गरेको हो । समितिले भोलि (मंगलबार) उजुरीकर्तासँग छलफल गर्ने जनाएको छ । राउतउपर ६ वटा उजुरी परेको छ ।

संवैधानिक परिषद्को भदौ ३१ गतेको बैठकले वरिष्ठताका आधारमा राउतलाई प्रधानन्यायाधीशमा सिफारिस गर्ने निर्णय गरेको थियो ।