काठमाडौं । कवि सूर्यप्रसाद लाकोजूको कवितासंग्रह ‘घामको पर्खाल’ लोकार्पण भएको छ । एक कार्यक्रममा प्रा.डा. गोविन्दराज भट्टराई, साहित्यकार मोहन दुवाल, प्रा.डा कुमार कोइराला लगायतले कृति सार्वजनिक गरे ।

कार्यक्रममा प्रा.डा. गोविन्दराज भट्टराईले कवि लाकोजूको साहित्यिक क्रियाशीलताको चर्चा गरे । साहित्यकार मोहन दुवालले कवि लाकोजू बलशाली कवि भएको बताए ।

कवि लाकोजूका यसअघि स्पर्श, मेरो मन मेरो मीत, घामको चुम्बन, मेरो घाम, घाम फुल्ने याम गरी पाँच कविताकृति प्रकाशित छन् ।