काठमाडौं । पूर्वराजा ज्ञानेन्द्र शाह आउँदो साता भुटान भ्रमणमा जाने भएका छन् । पूर्वराजा ज्ञानेन्द्र एक साता लामो भ्रमणका निम्ति भुटान जान लागेका उनका संवाद सचिव फणिराज पाठकले जानकारी दिए ।

उनी निजी भ्रमणको सिलसिलामा भुटान जान लागेका हुन् । भ्रमणका क्रममा उनका साथमा परिवारका अरू सदस्य नहुने पाठकले बताए ।

“नौरथा (असोज १७) आसपास भुटान सवारी हुने तयारी छ,” उनले बाह्रखरीसित भने, “निजी भ्रमण हो । फूलपाती (असोज २४)अगाडि स्वदेश फिर्ती होइबक्सनेछ ।”