काठमाडौं । सीजी मोटर्सको आधिकारिक बिक्रेता फ्युचर मोटर्सले असोज ९ देखि १२ गतेसम्म फ्यूचर ईभी कार्निभल सुरु गरेको छ । 

भक्तपुरको राधेराधेस्थित हेरिटेज पार्टी प्यालेसमा कार्निभल आयोजना गरिएको छ ।

बिहान १० बजेदेखि साँझ ६ बजेसम्म सञ्चालन चल्ने कार्निभलमा रिड्डारा, नेटा, जीएसी, किङलङ र सीजी केवाइसीका सवारीसाधन प्रदर्शनमा राखिएका छन् ।

कार्निभलमा प्रदर्शनीमा विभिन्न सवारीसाधनलाई टच एण्ड फिल गर्न पाउने कम्पनीले जनाएको छ । यसका साथै, कार्निभलमा मनोरञ्जनात्मक आकर्षणको रूपमा विभिन्न खेल, लाइभ प्रदर्शन, र खाना र पेयपदार्थका स्टल राखिएका छन् ।

प्रदर्शनीमा राखिएका कुनै पनि सवारीसाधन खरिदमा ग्राहकले अन द स्पट फाइनान्सिङ, एक्सचेञ्ज अफर, विशेष डिस्काउन्ट र अन द स्पट भ्यालुएसनको सुविधा पाउने कम्पनीले जनाएको छ ।

सीजी मोटर्सले अभतार, रिड्डारा, नेटा, जीएसी, किङलङ, सीजी केवाइसी, दायुन र स्मार्ट गरी आठ ब्राण्डका विद्युतीय सवारीसाधनहरू बिक्री गर्दै आएको छ ।