site stats
बाह्रखरी :: Baahrakhari
अर्थ व्यवसाय
Global Ime bankGlobal Ime bank
भारतीय राजदूतलाई कृषिमन्त्रीको आग्रह– कृषि क्षेत्रको विकासमा सहयोग चाहियो

काठमाडौं । कृषि तथा पशुपन्छी विकासमन्त्री रामनाथ अधिकारीले नेपालका कृषि उत्पादनलाई भारतीय बजारमा सहज पहुँच पुर्‍याउन सहजीकरणका लागि आग्रह गरेका छन् । मन्त्रालयमा सोमबार नेपालका लागि भारतीय राजदूत नवीन श्रीवास्तवसँगको शिष्टाचार भेटमा मन्त्री अधिकारीले नेपालको कृषि क्षेत्रको विकासका लागि सहयोग गरिदिन आग्रह गरेका हुन् ।

“यसले दुई देशबीचको आर्थिक सम्बन्ध र व्यापार प्रवर्धनलाई बलियो बनाउने छ,” उनले भने ।

सीमा क्षेत्रमा पशुपन्छी रोग नियन्त्रणका लागि दुवै देशबीचको सहकार्यलाई निरन्तरता दिन आवश्यक रहेको उनको भनाइ छ । मन्त्री अधिकारीले खोरेत, फ्लूजस्ता रोग रोकथाम तथा कृषि उपजको आयात–निर्यातका लागि सीमा क्षेत्रको क्वारेन्टाइन व्यवस्था थप मजबुत बनाउन एकीकृत उपाय अपनाउनुपर्नेमा जोड दिए ।

“भारतको आधुनिक कृषि प्रविधिहरू विशेष गरी स्मार्ट कृषि र जलवायु प्रतिरोधी प्रविधिहरूमा सहकार्य गर्न नेपाल उत्सुक छ,” अधिकारीले भने, “कृषि क्षेत्रमा युवा उद्यमशीलता र नवप्रवर्तनलाई प्रोत्साहन गर्न दुवै देशको सहयोगबाट उत्कृष्ट परिणाम प्राप्त गर्न सकिने छ ।” 

उनले नेपालमा रासायनिक मलको सहज आपूर्तिका लागि भारत सरकारबाट आगामी दिनमा पनि निरन्तर सहयोगका लागि आग्रह गरे ।

जवाफमा राजदूत श्रीवास्तवले नेपालको कृषि क्षेत्रको विकास र विस्तारमा भारत सरकार सहयोग र सहकार्यका लागि तयार रहेको बताएका थिए ।

प्रकाशित मिति: सोमबार, असोज ७, २०८१  १७:४३
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
सरकारले तत्काल सम्बोधन गरोस् !
सरकारले तत्काल सम्बोधन गरोस् !
Hamro patroHamro patro