काठमाडौं । 'सिधा कुरा' डटकमलाई ‘फेक’ अडियो उपलब्ध गराएका राजकुमार तिमल्सिना बैंकिङ मुद्दाका फरार अरोपित भएको खुलेको छ ।

काठमाडौंको कागेश्वरी मनोहरा नगरपालिका–९ बस्ने ३७ वर्षीय तिमल्सिनालाई बुधबार प्रहरीले पक्राउ गरेको थियो ।

विद्युतीय कारोबार ऐनअन्तर्गतको कसुरमा पक्राउ परेका तिमल्सिनामाथि भक्तपुरस्थित प्रहरी वृत्त जगातीमा बैंकिङ कसुर मुद्दा रहेको खुलेको हो । काठमाडौं जिल्ला अदालतबाट गत असार ५ गते पक्राउ अनुमति जारी भएका तिमल्सिना फरार थिए ।

उनलाई काठमाडौं उपत्यका अपराध अनुसन्धान कार्यालय टेकुबाट खटिएको प्रहरीले पक्राउ गरेको हो । उनीमाथि प्रहरीको साइबर ब्युरोले विद्युतीय कारोबार अपराधमा अनुसन्धान थालेको छ ।

तिमिल्सिनाकै अडियोको आधामार सिधा कुराले ‘द डार्क फाइल’ नाम दिएर भिडिओ सामग्री प्रसारण गरेको थियो । उक्त प्रकरण सर्वोच्च अदालतसमेत पुगेको छ । सर्वोच्चले भदौ २० मा उक्त मुद्दाको फैसालको मिति तोकेको छ ।