काठमाडौं । राप्रपा नेपालका अध्यक्ष कमल थापाले राजसंस्थालाई सहमतिमै अभिभावकको रूपमा राख्न आग्रह गरेका छन् । राप्रपा नेपाल काठमाडौं–८ क्षेत्रीय समितिले आयोजना गरेको प्रशिक्षण कार्यक्रममा थापाले नेपा ल र नेपालीको अस्तित्व रक्षाका लागि राजसंस्थाको महत्त्वपूर्ण योगदान रहेको जिकिर गरे ।

उनले धर्म, संस्कृति, मूल्य, मान्यता मासेर दे शको विकास नहुने भएकाले सनातन धर्मको संरक्षण गर्दै हिन्दुराष्ट्र बनाउनुपर्नेमा जोड दिए । 

अहिलेको व्यवस्थाले भ्रष्टाचार र कुशासनलाई संस्थागत गरेको उनको आरोप छ । अध्यक्ष थापाले 'भ्रष्टतन्त्र' व्यवस्था धेरै लामो समय नटिक्ने बताए ।

उनले बलियो राष्ट्रवादी, प्रजातन्त्रवादी, हिन्दुवादी, राजसंस्थावादी शक्ति बनाउन राप्रपा नेपाललाई बलियो बनाउनुपर्ने बताए ।

कार्यक्रममा विष्णु भण्डारी, राजाराम बर्तौला, प्रदीप कार्की, उज्वल पोखरेललगायतले बोलेका थिए ।