इनरुवा (सुनसरी) । इटहरी उपमहानगरपालिका–२ स्थित शान्तिनगरमा जंगली हात्तीले दुईवटा घरमा क्षति पुर्‍याएका छन् ।

आज बिहान जंगलबाट आएको हात्तीको हुलले आक्रमण गर्दा दुई घरमा क्षति पुगेको इलाका प्रहरी कर्यालय इटहरीले जनाएको छ । 

स्थानीय अमृतबहादुर मगर र उनका छिमेकीको घर हात्तीले भत्काएको जिल्ला प्रहरी कार्यालय सुनसरीका प्रहरी नायब उपरीक्षक नवीनकृष्ण भण्डारीले जानकारी दिए । हात्तीले अमृतबहादुरको घरमा राखेको १० बोरा धान र एक बोरा चामल नष्ट गरेको छ । रासस