काठमाडौं । चलचित्र ‘रावायण’को शीर्ष गीत सार्वजनिक भएको छ । ‘रावायण’ बोलको गीत आज सार्वजनिक भएको हो । 

रेभन आरती सिंहको संगीत रहेको गीतमा डाक्टर कृष्णहरि बरालको शब्दरचना छ । गीतमा नकास अजिजको स्वर छ । 

विक्रम स्वारको कोरियोग्राफी रहेको छ । सिनेमाको सार्वजनिक गीतको अडियोको काम भारतको मुम्बईमा गरिएको निर्माण पक्षले जनाएको छ । 

भिडियोमा अभिनेता पल शाह र अभिनेत्री पूजा शर्मा फिचर्ड छन् । निर्देशक सुदर्शन थापालाई पनि भिडियोमा देख्न सकिन्छ । ठूलो संख्यमा कोरस प्रयोग गरिएको छ । 

सुदर्शन थापा प्रोडक्सन र पूजा शर्मा प्रोडक्सनको व्यानरमा बनेको चलचित्रकी निर्माता पूजा शर्मा हुन् । सुशन पाठक कार्यकारी निर्माता रहेको सिनेमालाई सुदर्शन थापाले निर्देशन गरेका छन् । 

चलचित्रमा पल शाह, पूजा शर्मा, प्रियंका कार्की, प्रमोद अग्रहरि, निकिता चण्डक, प्रकाश शाह, कैलाश रावल, अर्जुनजंग शाही, शर्मिला मल्ललगायतको अभिनय छ ।

निर्देशक थापा स्वयंले सिनेमाको कथा लेखेका छन् । शिवम अधिकारीको लेखन छ ।