काठमाडौं । युवा तथा खेलकुद मन्त्रालयका सचिवले कार्यक्रममा बोलाएर अपमान गरेको भन्दै संसद्‌मा आवाज उठेको छ । 

मंगलबारको प्रतिनिधिसभा बैठकको शून्य समयमा बोल्दै सांसद कल्पना मियाँ कुसारीले युवा तथा खेलकुद मन्त्रालयले कार्यक्रममा बोलाएर सांसदको अपमान गरेको भन्दै आपत्ति जनाइन् । 

“हिजो अन्तर्राष्ट्रिय युवा दिवसको अवसरमा हामी ४० वर्ष मुनिका सांसदलाई याक एन्ड यतिमा कार्यक्रममा खेलकुद मन्त्रालयको आयोजना र युवा परिषद्को कार्यक्रममा बोलाएर सचिवज्यूको नियतबस अपमानजनक व्यवहार भयो । यस्तो अपमान नगरोस्” उनले भनिन् ।