काठमाडौं । हुन्डाईले ‘हुन्डाइ टेस्ट ड्राइभ एन्ड विन’ योजना ल्याएको छ ।

हुन्डाईको नेपालका लागि आधिकारिक वितरक लक्ष्मी इन्टरकन्टिनेन्टलले योजना सार्वजनिक गरेको हो ।

यसअन्तर्गत ग्राहकले नेपालभरका सोरुमबाट हालै सार्वजनिक नयाँ हुन्डाई क्रेटा र मेड इन नेपाल हुन्डाई भेन्यु टेस्ट ड्राइभ गर्न सक्नेछन् ।

प्रत्येक टेस्ट ड्राइभमा सहभागीलाई हात खाली नहुने आकर्षक उपहार र साप्ताहिक विजेतालाई माइक्रोवेभ ओभन र बम्पर बिजेताले रेफ्रिजरेटर मिल्ने कम्पनीले जनाएको छ ।

यो योजना आज (सोमबार)देखि दुई साता चल्ने लक्ष्मी इन्टरकन्टिनेन्टलले जनाएको छ ।

नयाँ हुन्डाई क्रेटा अगस्ट ६ मा सार्वजनिक भएको थियो । लक्ष्मी हुन्डाईले नेपालमा सन् २०१५ देखि क्रेटा बिक्री गर्न सुरु गरेको थियो ।

आकर्षक डिजाइन, उत्कृष्ट प्रदर्शन, सबै प्रकारका भूभागमा सहज चल्न सक्ने मिड साइज एसयूभी सेगमेन्टमा सफल हुँदै एसयूभी सेगमेन्टमा प्रभावकारी स्थान बनाइरहेको कम्पनीको दाबी छ ।

गाडीको प्रारम्भिक मूल्य ५५ लाख ९६ हजार रुपैयाँ छ । विभिन्न भेरियन्टमा उपलब्ध गाडीमा ६ वर्षको निःशुल्क सर्भिसिङ र तीन वर्षको वारेन्टी छ ।

मेड इन नेपाल हुन्डाई भेन्यु १.२ (एस)को मूल्य ४४ लाख ९६ हजार रुपैयाँ छ । भेन्यु १.२ (एसएक्स)को मूल्य ५३ लाख ५६ हजार रुपैयाँ छ ।

मेड इन नेपाल हुन्डाई भेन्युमा १० वर्षको निःशुल्क सर्भिसिङ र तीन वर्षको वारेन्टी रहेको कम्पनीले जनाएको छ ।