काठमाडौं । सर्वोच्च अदालतले आर्थिक वर्ष २०८०/८१ मा १५ हजार ४८४ (३९.८४ प्रतिशत) मुद्दा फर्स्योट  गरेको छ । विगत पाँच वर्षका तुलनामा यो संख्या सबैभन्दा धेरै हो । 

सो आवमा सर्वोच्चमा ४० हजार ९९२ मुद्दा  भएकामा २५ हजार ४२५ मुद्दा फर्स्योट गर्न बाँकी छ । 

आव २०७९/८० मा ३०.१७ प्रतिशत, आव २०७८/७९ मा १९.१ प्रतिशत, आव २०७७/७८ मा १५.८२ प्रतिशत र आव २०७६/७७ मा ३०. ५१ प्रतिशत मुद्दा फर्स्योट भएको थियो । 

सर्वोच्च अदालतका रजिष्ट्रार विमल पौडेलले सर्वोच्च अदालतमा मुद्दाको  फर्स्योट सुधारोन्मुख रहको र सबै मुद्दालाई उत्तिकै प्राथमिकता दिएर छिटो सुनुवाइ गर्ने योजनाका साथ काम गरिरहेको बताए । रासस