काठमाडौं । संघीय संसद्अन्तर्गत आज तीनवटा संसदीय समितिको बैठक बस्दै छ । अर्थ समिति, उद्योग तथा वाणिज्य र श्रम तथा उपभोक्ता हित समिति र संघीयता सबलीकरण तथा राष्ट्रिय सरोकार समितिको बैठक बस्न लागेको हो । 

अर्थ समितिको बैठकमा राष्ट्रिय अर्थतन्त्रका समसामयिक विषयमा छलफल हुँदै छ । बैठकमा अर्थमन्त्री विष्णु पौडेलसँग छलफल गर्ने कार्यसूची छ । बैठक दिउँसो १ बजे बस्नेछ । 

उद्योग तथा वाणिज्य र श्रम तथा उपभोक्ता हित समितिको बैठकमा विद्युतीय व्यापार विधेयक, २०८० का संशोधन प्रस्तावकर्ता सँग छलफल गर्ने कार्यसूची छ । 

बैठक बिहान ११ बजे बस्नेछ । 

संघीयता सबलीकरण तथा राष्ट्रिय सरोकार समितिको बैठक पनि आजै बस्दै छ । बिहान ११ बजे बस्ने बैठकमा आर्थिक वर्ष २०८०/०८१ को समितिको वार्षिक प्रतिवेदनमा छलफल हुने कार्यसूची रहेको संसद् सचिवालयले जनाएको छ ।