काठमाडौं । विश्व नेपाली साहित्य महासंघ, ललितपुर शाखाले कवितावाचन कार्यक्रम सम्पन्न गरेको छ । कार्यक्रममा अग्रज कवि तुलसी दिवसले साहित्यमा लाग्नेहरू इमानदार हुनुपर्नेमा जोड दिए ।

त्यस अवसरमा कवितावाचन गर्दै कवि शैलेन्द्र साकारले आफ्नो भनाइ राखे । कविहरू रामनाथ अधिकारी संगी, श्याम श्रेष्ठ, श्रीराम पाण्डे, सृजना सरोवर, राजेशमान केसी, राजाराम राउत, नानीमैयाँ अधिकारीले आआफ्नो कवितावाचन गरे ।

महासंघले इजरायलबाट काठमाडौं आएकी साहित्यकार सुनिता राई कङगदङ्वालाई स्वागत समेत गरेको थियो । कार्यक्रममा कृष्ण प्रधान, मणिराज सिंह, सुनिता राई, सुधा मिश्रलगायत कविले बोलेका थिए ।