काठमाडौं । धितोपत्र दोस्रो बजार मापक नेप्से परिसूचक आइतबार पाँच मिनेटमा ५७ अंकले ओराले लागेको छ । बजार खुलेको पहिलो एक मिनेट र दोस्रोपटक पुनः एक मिनेटमै बजार बढेर एक घण्टा बन्द भएको थियो ।

दुईपटक ‘सर्किट ब्रेक’ लाग्दा बजार १२९ अंकले माथि उक्लिएको थियो । त्यसपछि खुलेको पाँच मिनेटमा बजार ५७ अंकले घटेको हो ।

उक्त अवधिमा एक अर्ब ६९ करोड ५७ लाख रुपैयाँको सेयर कारोबार भएको नेपाल स्टक एक्सचेन्ज (नेप्से)ले जनाएको छ । यो कारोबार सात मिनेटको हो ।

कारोबार सुरु भएको पहिलो एक घण्टाभित्र ४ प्रतिशतले बजार बढेर २० र दोस्रोपटक ५ प्रतिशतले बढेर ४० मिनेटका निम्ति बन्द भएको थियो । त्यसपछि भने बजार सम्हालिएको छ ।