site stats
बाह्रखरी :: Baahrakhari
खेल
Global Ime bankGlobal Ime bank
पेरिस ओलम्पिक : टेबलटेनिसमा स्यान्टुको चुनौती पहिलो चरणबाटै समाप्त 

काठमाडौं । नेपालका टेबलटेनिस खेलाडी स्यान्टु श्रेष्ठ पेरिस ओलम्पिक–२०२४ को पहिलो चरणबाटै बाहिरिएका छन् । नेपालबाट छनोट प्रतियोगिता जित्दै ओलम्पिक यात्रा तय गरेका स्यान्टु पहिलो चरणमा सेनेगलका खेलाडी इब्राहिम डिअवसँग पराजित भएका हुन् ।

उनलाई डिअवले ४–० को सेटमा हराए । डिअवसँग स्यान्टुले पहिलो सेट प्रतिस्पर्धात्मक बनाए पनि १०–१२ ले गुमाएका थिए । त्यसपछिका तीन सेटमा भने स्यान्टुले सोही लय कायम राख्न सकेनन् । स्यान्टुले त्यसपछिका तीन सेट ३–११, ४–११ र ५–११ ले गुमाएका थिए ।

स्यान्टु नेपालबाट छनोट चरण पार गर्दै ओलम्पिक खेल्ने तेस्रो खेलाडी हुन् । नेपालमै भएको ओलम्पिक छनोट खेलमा उनले यहीँका संयोग कपालीलाई हराएका थिए । स्यान्टुअघि नेपालबाट संगीता वैद्य र दीपक विष्टले मात्र छनोट चरण पार गरेर ओलम्पिक खेलेका थिए ।

ओलम्पिकको ३३औँ संस्करणमा नेपालबाट ६ खेलमा स्यान्टुसहित सात खेलाडी सहभागी छन् । प्रतियोगितामा नेपालबाट तीन पुरुष र चार महिला खेलाडी सहभागी छन् । सातै नेपाली खेलाडीको यो ‘डेब्यु’ ओलम्पिक हो ।

सन् १९६४ देखि नेपालले गृष्मकालीन ओलम्पिकमा सहभागिता जनाउन थालेको थियो । त्यसयता टेबलटेनिस र ब्याडमिन्टनमा नेपालले पहिलोपटक सहभागिता जनाउँदै छ । 

पेरिस ओलम्पिकमा २०६ राष्ट्रका करिब १० हजार ५०० खेलाडीले ३२९ स्पर्धामा प्रतिस्पर्धा गर्नेछन् ।

ओलम्पिक प्रत्येक चार वर्षको अन्तरालमा आयोजना गर्ने गरिन्छ । योपटक भने तीन वर्षमा गरिएको हो । ३२औँ संस्करणको टोकियो ओलम्पिक सन् २०२० लाई तय थियो । तर, कोभिड–१९ का कारण २०२१ मा आयोजना गरिएको थियो ।

प्रकाशित मिति: शनिबार, साउन १२, २०८१  २१:२२
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
सरकारले तत्काल सम्बोधन गरोस् !
सरकारले तत्काल सम्बोधन गरोस् !
Hamro patroHamro patro