site stats
बाह्रखरी :: Baahrakhari
देश
Global Ime bankGlobal Ime bank
सौर्य एयरका क्याप्टेन शाक्यको कस्तो छ स्वास्थ्य अवस्था ? 
दुर्घटनापछि घाइते अवस्थामा क्याप्टेन मनीषरत्न शाक्यको उद्धार गर्दै सुरक्षाकर्मी ।

काठमाडौं । दुर्घटनाग्रस्त सौर्य एयरका क्याप्टेन मनीषरत्न शाक्यको स्वास्थ्य अवस्था सामान्य बन्दै गएको छ । उनी काठमाडौंको सिनामंगलस्थित काठमाडौं मेडिकल कलेज (केएमसी)को आईसीयूकक्षमा उपचाररत छन् ।

शाक्यको अवस्था खतरामुक्त रहेको र परिवारसँग भेटघाट तथा बोलचाल गरिरहेको केएमसीका व्यवस्थापक नारायणप्रसाद दाहालले बाह्रखरीलाई जानकारी दिए ।

३७ वर्षीय शाक्यको टाउकोमा लागेको चोटमा भने बुधबार नै टाँका लगाइएको छ । मेरुदण्डको हड्डीमा पनि चोट लागेको देखिएको छ । तर, तत्काल शल्यक्रिया गर्न स्वास्थ्य अवस्थाले साथ नदिएपछि केही दिन उनलाई अस्पतालमा नै राखिने दाहालले बताए ।

बुधबार त्रिभुवन अन्तर्राष्ट्रिय विमानस्थलबाट पोखरा उड्ने क्रममा सौर्यको एउटा विमान दुर्घटना हुँदा १८ जनाको मृत्यु भएको थियो । विमानमा सवार १९ जनामध्ये क्याप्टेन शाक्य मात्र बाँचेका छन् ।

प्रकाशित मिति: बिहीबार, साउन १०, २०८१  १२:१९
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
खानेपानी त स्वच्छ होस् !
खानेपानी त स्वच्छ होस् !
Hamro patroHamro patro