क्रोएसिया । युरोपेली मुलुक क्रोएसियामा एउटा नर्सिङ होममा गोली चलाइँदा कम्तीमा ६ जनाको मृत्यु भएको छ । पूर्वी सहर दरुभारस्थित नर्सिङ होममा नै एक कर्मचारीसहित पाँचजनाको मृत्यु भएको थियो । अस्पतालमा उपचारका क्रममा अर्का एकजनाको मृत्यु भएको जनाइएको छ ।

प्रहरीका अनुसार, घटनामा चारजनाको अवस्था नाजुक छ । आक्रमणकारी सुरुमा भागेका थिए । पछि नजिकैको क्याफेबाट उनलाई पक्राउ गरिएको छ । दर्ता नगरिएको फायरआर्मस आक्रमणकारीले बोकेको पाइएको क्रोएसियाका मिडियाले जनाएका छन् ।

क्रोएसियाका राष्ट्रपति जोरन मिलानोभिकले आफू उक्त अप्रत्यासित घटनाबाट स्तब्ध भएको जनाएका छन् । बीबीसीबाट ।