![बीपी कोइराला मेमोरियल क्यान्सर अस्पतालकी लेखा अधिकृत घुस रकमसमित नियन्त्रणमा](https://12khari.top/uploads/posts/akhtiyar16862972241692208640.jpeg)
काठमाडौं । अख्तियार दुरुपयोग अनुसन्धान आयोगले चितवनको भरतपुरस्थित बीपी कोइराला मेमोरियल क्यान्सर अस्पतालमा कार्यरत लेखा अधिकृत अमृता कोइरालालाई घुस रकमसहित नियन्त्रणमा लिएको छ ।
अख्तियारको हेटौँडास्थित कार्यालयबाट खटिएको टोलीले उनलाई भरतपुर महानगरपालिका–४, कटहर चोकबाट सेवाग्राहीसँग लिएको घुस रकमसहित आइतबार नियन्त्रणमा लिएको हो ।
लेखा अघिकृत कोइरालालाई सेवाग्राहीसँग लिएको एक लाख ५० हजार रुपैयाँ नगद र चार लाख ५० हजार रुपैयाँको चेकसहित नियन्त्रणमा लिइएको अख्तियारद्वारा सोमबार जारी विज्ञप्तिमा उल्लेख छ ।
लेखा अधिकृत कोइरालाले औषधि आपूर्तिको बिल भुक्तानी दिएवापत सेवाग्राहीसँग घुस माग गरेको भन्ने उजुरी परेपछि अख्तियारले उनीमाथि निगरानी बढाएको थियो ।
यसैक्रममा कोइरालाई आइतबार घुस रकमसहित अख्तियारको टोलीले पक्राउ गरेको हो । उनीमाथि थप अनुसन्धान भइरहेको अख्तियारले जनाएको छ ।