काठमाडौं । नेकपा (एमाले) चार महिनापछि सदनमा प्रतिपक्षी बेञ्चमा बसेको छ । प्रमुख प्रतिपक्षी नेपाली कांग्रेससँगको सत्तासमीकरणको सहमतिपछि एमाले सरकारको साथ छोडेर प्रतिपक्ष बनेको हो । 

प्रधानमन्त्री पुष्पकमल दाहाल ‘प्रचण्ड’ नेतृत्वको सरकारमा रहेका मन्त्रीहरूले राजीनामा दिएर सरकारलाई दिएको समर्थन फिर्ता गरिसकेको छ । संसद्मा दुई ठूला दल एमाले र कांग्रेस प्रतिपक्षमा बसेका छन् ।

एमाले ०८१ फागुन २१ गते नेकपा (माओवादी केन्द्र)सहित चार दलको गठबन्धन बनाएर सत्तारुढ बनेको थियो । उसले अहिले कांग्रेससँग गएको सोमबार गठबन्धन बनाएको छ । एमाले अध्यक्ष केपी शर्मा ओली पहिलो चरणमा प्रधानमन्त्री बन्ने सहमति भएको छ ।

एमालेले प्रचण्डलाई राजीनामा दिन माग गरेको छ । तर, प्रधानमन्त्री प्रचण्डले असार २८ गते विश्वासको मत लिने तयारी गरेका छन् ।