काठमाडौं । प्रभु बैंकका कर्मचारी तथा ग्राहकलाई मुस्ताङमा अवस्थित विभिन्न होटेलका सेवामा छुट दिने सम्झौता भएको छ ।
छुट्टाछुट्टै समारोहकाबीच सम्पन्न सम्झौतामा विभिन्न ११ होटेलका सञ्चालक र प्रभु बैंकका तर्फबाट जोमसोम क्लष्टर प्रमुख तथा शाखा प्रमुख नरेन्द्र थकालीसहित अन्य शाखाका शाखा प्रमुखहरूले हस्ताक्षर गरेका हुन् । 

सम्झौताअनुसार प्रभु बैंकका कर्मचारी तथा ग्राहकले बैंकसँगको आबद्धता प्रमाणका आधारमा आवास, खाना, खाजा तथा होटेलमा उपलब्ध सम्पूर्ण सेवा सुविधाहरूमा विशेष छुट प्राप्त गर्न सक्ने बैंकले जनाएको छ ।

सो सम्झौताबमोजिम ग्राहक वर्ग तथा प्रभु बैंकका कर्मचारीहरूका लागि आवास तथा खानामा १० प्रतिशतसम्मका छुट प्राप्त गर्न सकिनेछ ।
हालसालै ‘बैंक अफ द इयर २०२३’को उपाधिबाट सम्मानित प्रभु बैंकका नेपालभर ३०७ शाखा कार्यालयहरू, २८६ एटीएमका साथै ७० एक्सटेन्सन काउन्टरमार्पmत सेवा दिँदै आएको छ ।