वाशिंटन । अमेरिकी राष्ट्रपति जो बाइडेनको प्रशासनले युक्रेनमा अमेरिकी सैनिक कन्ट्रयाक्टर खटाउने तयारी अघि बढाएको छ । सो मामिलामा जानकार चार अमेरिकी अधिकारीका अनुसार युक्रेनको ‘मिलिटरी मेन्टेन’ र अमेरिकाले दिएका हतियार प्रणालीको रेखदेखका लागि त्यसरी कन्ट्रयाक्टर पठाउने तयारी गरिएको हो ।

यसो गर्नु युक्रेन मामिलामा बाइडेन प्रशासनको नीतिमा अर्को महत्त्वपूर्ण परिवर्तन भएको जनाइएको छ । सो मामिलाको कागजातमा अमेरिकी राष्ट्रपति बाइडेनले हस्ताक्षर गर्न भने बाँकी रहेको बताइएको छ ।

एक अधिकारीले जनाएअनुसार यसबारेमा कुनै निर्णय भएको छैन र छलफल पनि भएको छैन । “राष्ट्रपति युक्रेनमा अमेरिकी सेना नपठाउने बारेमा पूर्णरूपमा दृढ हुनुहुन्छ” उनले भनेका छन् । 

यो मामिला स्वीकृत भएमा अमेरिकी कम्पनीलाई युक्रेनभित्र काम गर्नको लागि पठाउन सकिने जनाइएको छ । सीएनएन