काठमाडौं । प्रभु बैंक लिमिटेडका ग्राहक र कर्मचारीलाई काठमाडौंको ज्ञानेश्वरस्थित हिमाल हस्पिटलमा विशेष छुट सुविधा उपलब्ध गराइने भएको छ । हिमाल हस्पिटल र प्रभु बैंकबीच बैंकका ग्राहकलाई अस्पतालको सेवा सुविधामा विशेष छुट प्रदान गर्ने सम्झौता भएको हो ।

एक कार्यक्रमबीच हिमाल हस्पिटलका तर्फबाट व्यवस्थापकीय निर्देशक नवीन ताम्ली र प्रभु बैंकका प्रमुख बजार व्यवस्थापन अधिकृत रवीन्द्र ढकालले उक्त समझदारीपत्रमा हस्ताक्षर गरे ।

सम्झौताअनुसार प्रभु बैंकका सम्पूर्ण ग्राहक, कार्ड प्रयोगकर्ता, कर्मचारी र कर्मचारीका परिवारले हिमाल हस्पिटलमा उपचार सेवा लिँदा अन्तरङ र बहिरंग सेवामा ओपीडी टिकटबाहेक रेडियोलोजी, प्याथोलोजी, फार्मेसी, फिजियोथेरापीलगायत सेवामा १० देखि २० प्रतिशत तथा शल्यक्रिया शुल्कमा १० प्रतिशत छुट प्राप्त गर्न सक्नेछन् ।

हालसालै ‘बैंक अफ द इयर २०२३’ को उपाधिबाट सम्मानित प्रभु बैंकले नेपालभर ३०२ शाखा कार्यालय, २८५ एटीएम साथै ७० एक्सटेन्सन काउन्टरमार्पmत सेवा दिँदै आएको छ ।