काठमाडौं । सगरमाथाको आरोहण गरेर फर्कने क्रममा ६ दिनअघि एक बेलायती नागरिक र एक नेपाली शेर्पा गाइड हराइरहेकोमा खोज्ने कार्य सकसपूर्ण भएको एक नेपाली अधिकारीले जानकारी दिएका छन् ।

एकदमै हाइअल्टिच्युडका कारण र सगरमाथाको चिनियाँ साइडमा उनीहरू लडेको अनुमान गरिएकाले खोजी टोली पठाउन थप संयोजनको आवश्यकता रहेको नेपाली अधिकारीको भनाइ रहेको छ ।

घटनामा ४० वर्षीय बेलायती नागरिक डेनियल पाउल प्याटर्सन र स्थानीय गाइड २३ वर्षिय पास तेन्जी गएको मंगलाबारदेखि सगरमाथाको चुचुरोबाट फर्कने क्रममा हराइरहेका छन् ।

बेस क्याम्पमा पर्वतारोहीको अनुगमन गर्ने अधिकारी खिमलाल गौतमले उनीहरू दुवै हिलारी स्टेपको फेद (करिब ८८०० मिटर)बाट तिब्बततर्फको कान्ग्सुुङ तर्फबाट खसेकोले खोजतलास गर्न सम्भव नभएको जनाएका छन् । सो क्षेत्र चीन नियन्त्रित क्षेत्र हो । एबीसी न्युज