site stats
बाह्रखरी :: Baahrakhari
राजनीति
Global Ime bankGlobal Ime bank
प्रचण्डसँगको भेटमा देउवाले भने– सहकारीपीडितलाई न्याय दिने कुरामा कांग्रेस चुक्दैन

काठमाडौं । प्रधानमन्त्री पुष्पकमल दाहाल ‘प्रचण्ड’ र प्रमुख प्रतिपक्षी दल नेपाली कांग्रेसका सभापति शेरबहादुर देउवाबीच आइतबार भेट भएको छ । देउवा निवास बूढानिलकण्ठमा भएको भेटमा प्रधानमन्त्री प्रचण्डले सदनमा देखिएको गतिरोध र अहिलेको राजनीतिक गतिरोध अन्त्य गरेर अघि बढ्न अनुरोध गरेको कांग्रेसका प्रमुख सचेतक रमेश लेखकले बाह्रखरीलाई जानकारी दिए । 

जवाफमा सभापति शेरबहादुर देउवाले आफूहरूले उठाएको माग जायज भएको र सहकारीपीडितलाई न्याय दिने कुरामा कांग्रेस नचुक्ने भन्दै कांग्रेसको माग पूरा गर्न अनुरोध गरेको लेखकले बताए । 

“अब शीर्ष नेताहरूको बैठक बस्दैन । कांग्रेसले आज पनि सदनमा आफ्नो विरोध जारी राख्छ र आज हुने सडक प्रदर्शन पनि गर्नेछ,” उनले भने । 

सरकारले नीति तथा कार्यक्रम पास गर्ने कार्यतालिका सदनमा ल्याएको छ नि भन्ने प्रश्नमा उनले आफूहरूले माग सम्बोधन नहुन्जेलसम्म विरोध जारी राख्ने बताए । बाँकी कुराको जवाफदेही सरकार नै हुने उनको भनाइ थियो । 

कांग्रेसले आज विरोध प्रदर्शन गर्ने र सहकारीका बचतकर्तालाई न्याय दिने कुरामा कांग्रेस तलमाथि नहुने उनले बताए ।

प्रकाशित मिति: आइतबार, जेठ १३, २०८१  १०:३४
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
Hamro patroHamro patro