काठमाडौं । सामसङ नेपालले धेरै सेग्मेन्टकै अग्रणी सुविधाहरूसहित ग्यालेक्सी एम१५ ५जी लन्च गर्ने औपचारिक घोषणा गरेको छ । अत्यधिक लोकप्रिय ग्यालेक्सी एम सिरिजमा नवीनतम् विशेषताहरू थप गरेर प्रयोगकर्ताहरूलाई सुपर ‘एमोलेड एफएचडी प्लस’ डिस्प्ले, मोन्स्टर ब्याट्री र शक्तिशाली प्रोसेसरहरूको साथ उत्कृष्ट स्मार्टफोन अनुभव प्रदान गर्ने बताइएको छ ।

यो डिभाइस प्रतिष्ठित ग्यालेक्सी सिग्नेचर डिजाइनको साथ आउने बताइएको छ । जसले भव्यता र परिष्कृततालाई जोड दिने पनि बताइएको छ । यो ब्लू टोपाज र स्टोन ग्रे गरी दुई आकर्षक रंगमा उपलब्ध हुनेछ ।

“ग्यालेक्सी एम१५ ५जी सेग्मेन्टकै सर्वश्रेष्ठ ६०० एमएएच ब्याट्रीको साथ आउँछ । जसले स्मार्टफोनलाई दुई दिनसम्म पावर गर्न सक्छ, जसले प्रयोगकर्ताहरूलाई उनीहरूको मनपर्ने मनोरञ्जनमा रमाउन र दिनभर उनीहरूलाई कनेक्टेड राख्न र उत्पादनशील राख्न साथ दिन्छ । सामसङले पनि उपभोक्ताहरूका लागि एक वास्तविक २५डब्लू सामसङ एडेप्टर निःशुल्क उपलब्ध गराउँदै आएको छ,” विज्ञप्तिमा भनिएको छ ।

यसमा सफा र स्पष्ट तस्बिरहरूको लागि डिभाइसमा ५० एमसी ट्रिपल क्यामेरा र १३ एमपी फ्रन्ट क्यामेरा छ । यसले भ्वाइस फोकस जस्ता आविष्कारहरूका साथ उपभोक्ता अनुभवलाई पुनः परिभाषित गर्दछ, जसले कल गर्दा वरिपरिको आवाज घटाउँछ ।

यसका साथै यसमा क्वीक शेयर सुविधाले प्रयोगकर्ताहरूलाई तुरुन्तै फाइलहरू, फोटोहरू र कागजातहरू टाढा भए पनि ल्यापटप र ट्याब लगायतका कुनै पनि अन्य उपकरणसँग शेयर गर्न सक्षम गर्दछ ।

ग्यालेक्सी एम१५ ५जीको स्टोरेज भेरिएन्ट ६जीबी प्लस १२८ जीबी रहेको छ । यसको मूल्य २५ हजार ९९९ रुपैयाँ पर्ने पनि बताइएको छ । देशभरका दुई हजारभन्दा बढी अधिकृत सामसङ स्टोरहरूमा उपलब्ध सामसङ इन्स्टा फाइनान्स सेवा लिएर आफ्नो नागरिकता मात्र देखाएर शून्य प्रतिशत ब्याजदरमा इएमआईमा सजिलैसँग यो नयाँ फोन प्राप्त गर्न सकिनेछ ।