काठमाडौं । नेपाली कथानक चलचित्र ‘गाउँ आएको बाटो’को ट्रेलर सार्वजनिक भएको छ । निर्माणपक्षले आज काठमाडौंका एक कार्यक्रम आयोजना गर्दै ट्रेलर सार्वजनिक गरेको हो । 

ट्रेलरमा गाउँमा गाडी आउँदाको खुसी, त्यसले पारेको प्रभाव र परिवर्तन तथा त्यसको असर देखाइएको छ । ट्रेलरले दूरदराजको गाउँको एक विपन्न परिवारमा सडक यातायातको सुविधासँगै त्यसले पारेको प्रभावको कथा भन्ने संकेत गरेको छ । 

नवीन सुब्बाको निर्देशन रहेको चलचित्रमा दयाहाङ राई र पशुपति राई मुख्य भूमिकामा छन् । चलचित्र यही जेठ २५ गते रिलिज हुँदै छ ।