काठमाडौं । राष्ट्रिय तथ्यांक कार्यालयले जनसंख्या साक्षरता पुस्तक सार्वजनिक गरेको छ । आइतबार एक कार्यक्रमको आयोजना गर्दै कार्यालयले राष्ट्रिय जनगणना, २०७८ को जनसंख्या साक्षरता पुस्तक तथा जनसांख्यिक सूचक सार्वजनिक गरेको हो ।

कार्यालयले सार्वजनिक गरेको विवरणानुसार, वाग्मती प्रदेशमा सबैभन्दा बढी ६१ लाख २० हजार जनसंख्या छ । दोस्रोमा मधेस प्रदेशको जनसंख्या ६१ लाख १० हजार छ ।

लुम्बिनी प्रदेशमा ५१ लाख २० हजार, कोसी प्रदेशमा ४९ लाख ६० हजार, सुदूरपश्चिम प्रदेशमा २६ लाख ९० हजार, गण्डकी प्रदेशमा २४ लाख ७० हजार र कर्णाली प्रदेशमा १६ लाख ९० हजार जनसंख्या छ ।

लुम्बिनी प्रदेशमा वार्षिक जनसंख्या वृद्धिदर सबैभन्दा बढी १.२४ प्रतिशत छ । दोस्रोमा मधेस प्रदेशमा १.१९ प्रतिशत छ ।

वाग्मतीमा ०.९७, कोसीमा ०.८६, कर्णालीमा ०.७० र सुदूरपश्चिममा ०.५२ प्रतिशत छ । सबैभन्दा कम वार्षिक जन्मदर गण्डकीमा ०.२५ प्रतिशत रहेको कार्यालयले जनाएको छ ।