इलाम । इलामको चुलाचुली गाउँपालिका–१ मा पहिचान पक्षधर डकेन्द्रसिंह थेगिमले एकै वडाबाट सबैभन्दा धेरै मत प्राप्त गरेका छन् ।

उपनिर्वाचनअन्तर्गत इलाम–२ मा जारी मतगणनाअनुसार चुलाचुली वडा नम्बर १ मा थेगिमले एक हजार ३१ मत प्राप्त गरे । जबकी यहाँ नेकपा एमालेले ६१४ मत प्राप्त गर्दा नेपाली कांग्रेसले ५०१ मत प्राप्त गरेको छ । रास्वपाले ११५ मत यस वडाबाट प्राप्त गरेको छ ।

हालसम्म एमालेका सुहाङ नेम्बाङको पाँच हजार २५ मत, कांग्रेसका डम्बर खड्काको तीन हजार ७५९ मत, स्वतन्त्र उमेदवार डकेन्द्र थेगिमको एक हजार ९९६ मत र रास्वपाका मिलन लिम्बुले ७६० मत पाएका छन् । २३९० मत खसेको यस वडामा २३ मत बदर भएर २३६७ मत सदर भएको छ ।

अहिले चुलाचुली वडा नम्बर २ र ३ को गणना जारी छ ।