काठमाडौं । सरकारले आयोजना गर्न लागेको तेस्रो लगानी सम्मेलनमा सञ्चार तथा सूचना प्रविधि मन्त्रालयबाट दुई वटा परियोजना प्रस्तुत हुने भएका छन् । आउँदो वैशाख १६ र १७ गते काठमाडौंमा लगानी सम्मेलनको आयोजना हुँदैछ ।
सम्मेलनमा करिब १४८ आयोजना प्रस्तुत गर्ने तयारी लगानी बोर्डले गरेको छ । ती परियोजनामा सञ्चार मन्त्रालयका दुई वटा छन् । मन्त्रालयका प्रवक्ता नेत्रप्रसाद सुवेदीले सूचना प्रविधि (आईटी) पार्क र उच्च स्थानमा (हाइ अल्टिट्युड) डाटा सेन्टर निमार्णको परियोजना प्रस्तुत हुने बताए ।
“सञ्चार मन्त्रालयबाट आईटी पार्क र डाटा सेन्टर निर्माण गर्ने दुई प्रोजेक्ट लगानी सम्मेलनमा प्रस्तुत हुने पक्का भएको छ,” मन्त्रालयका प्रवक्ता सुवेदीले भने ।
आईटी पार्क काठमाडौं उपत्यकाभित्रै बन्ने गरी योजना बनाइएको उनले बताए । उनका अनुसार डाटा सेन्टर भने देशभर जहाँ उपयुक्त हुन्छ त्यहीँ बन्ने गरी प्रस्ताव राखिएको छ ।डाटा सेन्टरलाई चिस्यान आवश्यक पर्छ । उपयुक्त हुने ठाउँमा गर्न मन्त्रालयले योजना अघि सारेको हो ।
सम्मेलनमा विभिन्न देशबाट दर्जनौँ लगानीकर्ताहरू उपस्थित हुने भएका छन् । सरकारले प्रस्तुत गर्ने परियोजनाहरुरूमा उनीहरुले लगानी गर्ने अपेक्षा गरिएको छ ।
-1743849429.jpg)
