काठमाडौं । सामसङले ग्यालेक्सी एस२४ अल्ट्रा फोनका लागि टिटानियम पहेँलो रङको नयाँ कभर सार्वजनिक गरेको छ ।कम्पनीले १२ जीबी र्‍याम र ५१२ जीबी स्टोरेज भएको एस२४ अल्ट्राका लागि नयाँ टिटानियम ‘येलो’ भेरियन्टको कभर ल्याएको हो । यो कभरमा कटिङ एज फिचरहरू रहेको कम्पनीले जनाएको छ । 

ग्यालेक्सी एआईसहितको एस२४ अल्ट्राले ग्राहकलाई स्मुथ र सहज अनुभव प्रदान गर्ने कम्पनीको दाबी छ । कम्पनीका अनुसार फोनमा कुनै पनि फोटोमा गोलो किसिमले टच गर्दै सर्कल बनाउँदा त्यसबारे गुगल सर्च भएर विवरण देखिने फिचर छ ।

यो नयाँ कभर किन्नेले आउँदो मार्च ३१ सम्ममा तीन हजार २९९ रुपैयाँ पर्ने १ युनिट पहेँलो सिलिकन कभर पाउने अफर रहेको कम्पनीले जनाएको छ । दश हजार रुपैयाँदेखि ब्याजरहित किस्ताबन्दीमा पनि सामसङका फोन किन्न सकिने कम्पनीको भनाइ छ ।