काठमाडौं । टर्की प्रहरीले इजरायली गुप्तचर एजेन्सी मोसादलाई सूचना बेचेको आरोपमा आठजनालाई पक्राउ गरेको देशका आन्तरिकमन्त्री अली येर्लिकायाले बताएका छन् । दुई संदिग्धलाई हिरासतमा लिइएको र अरू ६ जनाका निम्ति न्यायिक नियन्त्रणको निर्णय गरिएको उनले बताए ।

ती संदिग्धले इजरायली गुप्तचरसँग बैठक गरेका थिए । टर्कीमा व्यक्ति र कम्पनीका बारेमा जानकारी संकलन गरेका थिए ।

मन्त्रीका अनुसार, टर्कीको राष्ट्रिय खुफिया संगठनसँग संयुक्त रूपमा छापा मारिएको थियो । प्रहरीले संदिग्धलाई स्वास्थ्य जाँचका लागि राज्य अस्पताल र त्यसपछि इस्तानबुलको न्याय मन्त्रालयको भवनमा लगेको छ । सिन्ह्वा/न्युज एजेन्सी नेपाल