पोखरा । गण्डकी प्रदेशको मुख्यमन्त्री पदमा २७ गतेसम्म दाबी पेस गर्ने समय दिइएको छ । संसद्मा प्रतिनिधित्व गर्ने दलहरूलाई प्रदेश प्रमुखले सात दिनको समय दिएका हुन् । 

मुख्यमन्त्री सुरेन्द्रराज पाण्डेले बुधबार बिहान राजीनामा दिएका थिए । राजीनामा पछि प्रदेश प्रमुख डिल्लीराज भट्टले २७ चैत दिउँसो ३ बजेभित्र नयाँ मुख्यमन्त्री पदमा दाबी पेस गर्न आह्वान गरेका हुन् । 

भट्टले संविधानको धारा १६८ उपधारा (२) अनुसार नै बहुमतको सरकार गठनका लागि दलहरूलाई मौका दिएका छन् । उनले दिएको समयभित्र कुनै पनि दलले बहुमत पेस गर्न नसके उपधारा (३) अनुसार ठूलो दलको नेताको हैसियतमा पाण्डे नै मुख्यमन्त्रीमा नियुक्त हुनेछन् ।