site stats
बाह्रखरी :: Baahrakhari
खेल
Nabil BankNabil Bank
बेंगलुरुको तेस्रो हार, लखनउसँग २८ रनले पराजित 
Sarbottam CementSarbottam Cement

काठमाडौं । इन्डियन प्रिमियर लिग (आईपीएल)मा लखनउ सुपर जायन्ट्सले रोयल च्यालेन्जर्स बेंगलुरुविरुद्ध २८ रनको जित निकालेको छ ।

मंगलबार एम चिन्नास्वामी क्रिकेट रंगशालामा भएको खेलमा लखनउले प्रस्तुत गरेको १८२ रनको लक्ष्य पछ्याएको बेंगलुरुले १९.४ ओभरमा सबै विकेट गुमाएर १५३ रनमात्र बनाउन सक्यो । प्रतियोगितामा बेंगलुरुको यो तेस्रो हार हो ।

Prabhu Bank
Agni Group
NIC Asia

बेंगलुरुका महिपाल लोम्रोरले १३ बलमा समान तीन चौका र छक्कासहित ३३ रन बनाए । यस्तै, रजत पतिडरले २९, विराट कोहलीले २२, कप्तान फाफ डु प्लेसिसले १९, मोहम्मद सिराजले १२ र अनुज रावत ११ रन जोडे ।  

लखनउका मायंक यादवले तीन विकेट लिए । नवीन उल–हकले दुई विकेट लिँदा तथा मनिमरण सिद्धार्थ, यश ठाकुर र मार्कस स्टोइनिसले समान एक विकेट लिए । 

Global Ime bank

त्यसअघि टस हारेर ब्याटिङमा आएको लखनउले निर्धारित २० ओभरमा पाँच विकेट गुमाएर १८१ रनको योगफल तयार पारेको थियो । लखनउका ओपनर क्विन्टन डी ककले ५६ बलमा आठ चौका र पाँच छक्कासहित सर्वाधिक ८१ रनको बनाए ।

यस्तै, निकोलास पुरनले अविजित ४० रन थप्दा मार्कस स्टोइनिसले २४ र  कप्तान केएल राहुलले २० रन जोडे । 

बेंगलुरुका ग्लेन म्याक्सवेलले दुई विकेट लिए । रिस टोप्ली, यश दयाल र मोहम्मद सिरजले समान एक विकेट हात पारे । 

जितसँगै तीन खेलबाट चार अंक जोडेको लखनउ तालिकाको चौथो स्थानमा उक्लिएको छ । जारी प्रतियोगितामा तेस्रो हार व्यहोरेको बेंगलुरु भने चार खेलमा दुई अंक जोडेर नवौं स्थानमा छ ।

NIBLNIBL
प्रकाशित मिति: बुधबार, चैत २१, २०८०  १०:००
Sipradi LandingSipradi Landing
worldlinkworldlink
प्रतिक्रिया दिनुहोस्
Dish homeDish home
Bhatbhateni IslandBhatbhateni Island
cg detailcg detail
Kumari BankKumari Bank
Shivam Cement DetailShivam Cement Detail
Maruti cementMaruti cement
सम्पादकीय