काठमाडौं । ट्वान्टी–२० शृंखलाको पहिलो खेलमा आयरल्यान्ड वुल्भ्सविरुद्ध नेपालले पाँच ओभरको समाप्तिमा तीन विकेट गुमाएको छ । 

सोमबार कीर्तिपुरस्थित त्रिवि क्रिकेट मैदानमा जारी खेलमा आयरल्यान्ड वुल्भ्सले दिएको १२२ रनको लक्ष्य पछ्याइरहेको नेपालले चौथो ओभरमा ओपनर आसिफ सेख र रोहितकुमार पौडेललाई गुमाएको हो । 

यस्तै, नेपालले पाँचौँ ओभरमा गुल्सन झालाई गुमाएको हो । आयरल्यान्ड वुल्भ्सका ग्यारेथ डेलानीले ३.२ ओभरमा आसिफलाई र ३.४ ओभरमा कप्तान रोहितलाई गुमाएको छ । गुल्सन ४.५ ओभरमा बेन ह्वाइटको ओभरमा आउट भए । 

जारी खेलको पाँच ओभर समाप्त हुँदा नेपालले तीन विकेट गुमाएर ३७ रन बनाएको छ । त्यसअघि टस जितेर ब्याटिङमा आएको आयरल्यान्ड वुल्भ्सले निर्धारित २० ओभरमा १० विकेट गुमाएर १२१ रनको योगफल खडा गरेको थियो ।