काठमाडौं । उपप्रधान एवं गृहमन्त्री रवि लामिछानेले आफूमाथि उठाइएका प्रश्नको जवाफ दिन तयार रहेको बताएका छन् । प्रश्नका जवाफ दिन आफू जुनसुकै स्थानमा उपस्थित हुन तयार रहेको उनको भनाइ छ ।

उनले आफूमाथि लगाइएका आरोप पुष्टि गर्न चुनौती समेत दिएका छन् । शनिबार सामाजिक सञ्जालमार्फत उनले ठोस प्रमाण नहुँदा पनि आफूलाई सहकारी ठगी प्रकरणमा मुछिएको भन्दै रोष प्रकट गरेका हुन् ।

सहकारी ठगी प्रकरणमा लामिछाने पनि संलग्न रहेको भन्दै प्रमुख प्रतिपक्ष दल नेपाली कांग्रेसका सांसदले संसद् बैठकमा निरन्तर प्रश्न उठाएका थिए । सदन अवरुद्ध समेत गरेका थिए ।

सामाजिक सञ्जालमा लामो पोस्ट गर्दै कांग्रेस नेतालाई उनले चुनौतीसँगै खुला बहसका निम्ति प्रस्ताव समेत गरेका छन् । “बस्, तपाईं मलाई यत्ति मात्र भन्नुस्, म कहिले कहाँ तपाईंका आरोपहरूको जवाफ दिन आऊँ ?,” उनको प्रश्न छ ।

उनले स्तरहीन राजनीति नगर्न र ‘बालहठ’ छोड्न पनि आग्रह गरेका छन् । सशक्त प्रतिपक्ष बनेर जनताको मन जित्न उनको सुझाव छ ।

गृहमन्त्री लामिछानेको पोस्ट पढ्नोस्–

प्रिय नेपाली कांग्रेसका नेताज्युहरुमा मेरो नमस्कार । आज म सिङ्गो देशलाई साक्षी राखेर नेपाली कांग्रेसलाई मेरो सानो अनुरोध सार्वजनिक गर्दैछु। तपाईंको पार्टीले म माथी कयौं प्रश्नहरु सदनमा निरन्तर उठाइरहेको छ। म तीनको जवाफ सदनमा उभिएर दिन चाहन्थें। तर तपाईहरुले प्रधानमन्त्रीको जवाफ…

— Rabi Lamichhane (@hamrorabi) March 23, 2024