काठमाडौं । सुन तस्करी प्रकरणमा पूर्वउपराष्ट्रपति नन्दबहादुर पुनका छोरा दिपेश पुन पक्राउ परेका छन् । उनलाई प्रहरी प्रधान कार्यालयको विशेष टोलीले काठमाडौंस्थित टोखाबाट पक्राउ गरेको स्रोतले जनाएको छ ।

नेपाल प्रहरीका प्रवक्ता डीआईजी भीम ढकालले पनि दिपेश पक्राउ परेको पुष्टि गरे । “पक्राउ परेको हो । आजै पक्राउ हो । बाँकी पछि थाहा पाउनुहुनेछ,” उनले बाह्रखरीसित भने ।

सुनको अवैध पैठारी (तस्करी) नियन्त्रण सम्बन्धी जाँचबुझ आयोगले दिपेशमाथि छानबिन गर्न सिफारिस गरेपछि उनलाई पक्राउ गरिएको हो ।

साठी किलो सुन तस्करी प्रकरणका मुख्य अभियुक्त भनिएका दावा छिरिङसँग उनको सम्बन्ध रहेको बताइएको छ ।