काठमाडौं । सरकारले सूचना प्रविधि (आईटी) सम्बन्धी उद्योग वा व्यवसायका लागि नयाँ नियम ल्याउने भएको छ ।

सञ्चार तथा सूचना प्रविधि मन्त्रालयले सूचना प्रविधि तथा साइबर सुरक्षा सम्बन्धी विधेयकको मस्यौदा तयार पारेको छ । मस्यौदामा आईटी कम्पनी सञ्चालनअघि अनिवार्यरूपमा सूचना प्रविधि विभागको स्वीकृति लिनुपर्ने व्यवस्था गरिएको छ ।

• निजी कम्पनीले निःशुल्क दिँदै आएको एनपी डोमेनमा शुल्क तोक्दै सरकार

आईटी उद्योगअन्तर्गत ईकमर्स, वेब, एप तथा सफ्टवेयर डेभलपमेन्ट, डिजिटल मिडियालगायत कम्पनी पर्न सक्ने देखिन्छ ।

कम्पनी दर्ता तथा खारेजपछि सोको जानकारी विभागलाई दिनुपर्ने विधेयकको मस्यौदामा उल्लेख छ ।

आईटीसम्बन्धी उपकरण मन्त्रालयको मापदण्डका आधारमा मात्रै पैठारी तथा बिक्री वितरण गर्न पाउने विषयमा मस्यौदामा छ ।

आईटी उद्योगको प्रवर्धन, आउटसोर्सिङसम्बन्धी उद्योग व्यवसाय सञ्चालन गर्न सकिने, नेपालमै उत्पादित उत्पादनको प्रयोग बढाउनेसहितका व्यवस्था विधेयकको मस्यौदामा गरिएको छ ।