काठमाडौं । पूर्व संस्कृति, पर्यटन तथा नागरिक उड्डयनमन्त्री सुदन किरातीले आफू बेदाग भएर मन्त्रालयबाट निस्किएको दाबी गरेका छन् । बिहीबार प्रतिनिधिसभा बैठकपछि सञ्चारकर्मीसँग संक्षिप्त कुराकानी गर्दै पूर्वमन्त्री किरातीले आफूमाथि कुनैपनि दाग नलागेको बताए ।

उनले आफू मन्त्रालयबाट बेदाग भएर खुसीसाथ निस्किएको पनि बताए । उनले एक वर्षको अवधिमा धेरै काम गरेको र त्यसको परिणाम निस्किने बेला भएको बताए ।

उनले मन्त्रीको रूपमा रहँदा आफू कुनै पनि विवादमा नआए पनि विवादित बनाइएको जिकिर गरे ।

प्रधानमन्त्रीलाई अनुभवी मन्त्रीहरूको आवश्यकता भएकाले आफू नयाँ मन्त्रीमण्डलमा समावेश हुन नसकेको उनको भनाइ छ ।

पूर्वमन्त्री किरातीले सरकारले विश्वासको मत पाउने पनि बताए ।