काठमाडौं । इरानको संवैधानिक पर्यवेक्षकले अन्तर्राष्ट्रिय आणविक ऊर्जा एजेन्सी (आईएईए) सँगको सहकार्य निलम्बन गर्ने विधेयकलाई आधिकारिक रूपमा अनुमोदन गरेको छ । 

विधेयकले आईएईए निरीक्षकहरूलाई केही सर्तहरू पूरा नभएसम्म इरानी आणविक स्थलहरूमा पहुँच गर्नबाट रोक लगाउँछ । सर्तहरूमा आणविक अप्रसार सन्धिको धारा ४ अन्तर्गत युरेनियम समृद्ध गर्ने इरानको अधिकारलाई मान्यता दिने समावेश छ ।

विधेयक इरानी संसदले पहिले नै अनुमोदन गरिसकेको छ । यसका साथै धर्मगुरु र न्यायविद्हरूको निकाय, अभिभावक परिषद्ले पनि यसलाई अनुमोदन गरेको छ ।

यसको अर्थ यो अब आधिकारिक रूपमा कानुन हो । यो कहिले र कसरी लागु हुन्छ भन्ने अन्तिम अधिकार इरानको सर्वोच्च राष्ट्रिय सुरक्षा परिषद् र इरानको सर्वोच्च नेतामा निहित छ ।

अन्तर्राष्ट्रिय आणविक ऊर्जा एजेन्सी (आईएईए)ले इरानले सहयोग निलम्बन गर्ने बारेमा आफूलाई जानकारी नदिएको बताएको छ । 

बीबीसीका अनुसार हालसम्म आईएईएले यस विषयमा इरानबाट कुनै आधिकारिक सन्देश प्राप्त गरेको छैन । 

सहयोग निलम्बनको अर्थ आईएईए निरीक्षकहरूलाई सर्त पूरा नभएसम्म इरानी आणविक स्थलहरूको पहुँचमा रोक लगाइनेछ ।