काठमाडौं । कास्कीको पोखरा महानगरपालिका–८, पृथ्वी चोकस्थित होटेल प्यालेसमा जुवातास खेलिरहेको अवस्थामा सातजना पक्राउ परेका छन् ।

सोही महानगरपालिका–१७, छोरेपाटन बस्ने स्याङ्जा पुतलीबजार नगरपालिका–८ घर भएका ५२ वर्षीय नारायण राना समेत सातजनालाई मंगलबार बेलुकी प्रहरीले पक्राउ गरेको हो ।  

जिल्ला प्रहरी कार्यालय कास्कीबाट खटिएको प्रहरीले उनीहरूलाई नगद ९८ हजार ६२५ रूपैयाँ र चार बुक ताससहित पक्राउ गरेको जनाइएको छ ।