![इन्चार्जबाट हटाएपछि खगराज भट्टले प्रचण्डलाई गरे चार प्रश्न](https://12khari.top/uploads/posts/Khagraj-Bhatta-1709137779.jpg)
काठमाडौं । सुदूरपश्चिम इन्चार्जबाट हटाइएपछि नेकपा (माओवादी केन्द्र)का स्थायी कमिटी सदस्य खगराज भट्टले असन्तुष्टि जनाएका छन् ।
बुधबार भट्टले स्थायी कमिटीको निर्णयप्रति आफ्नो गम्भीर असहमति रहेको बताउँदै पार्टी अध्यक्ष पुष्पकमल दाहाल 'प्रचण्ड'लाई चार बुँदामा प्रश्न गरेका छन् ।
"प्रथम विधान अधिवेशनको दिशा निर्देशलाई लत्याउँदै, सुदूरपश्चिम प्रदेशका हजारौँ कार्यकर्ता र लाखौँ जनसमुदायको आशा र भरोसामाथि बज्रपात गर्दै स्थायी समितिको बैठकबाट गरिएको संगठनात्मक र संसदीय कार्यविभाजन सम्बन्धमा गम्भीर आपत्ति र असहमति व्यक्त गर्दछु," उनले पत्रमा भनेका छज् ।
स्थायी कमिटी बैठकबाट पारित भएको निर्णयले सुदूरपश्चिममा पार्टीभित्र देखा परेको अराजकतालाई निरुत्साहित नगरेर प्रोत्साहन गर्ने उनको भनाइ छ।
![Global Ime bank](https://baahrakhari.com/uploads/bigyaapan/30885600.gif)
"यो निर्णयले पार्टीलाई नै जीवन ठान्ने इमानदार कार्यकर्ताहरूलाई उत्साहित गर्छ या निराशतामा धकेल्छ ?," उनले प्रश्न गरेका छन् ।