काठमाडौं । सञ्चार तथा सूचना प्रविधिमन्त्री रेखा शर्माले लघुवित्त, सहकारी र मिटरब्याजपीडितका समस्या समाधान गर्न सरकार गम्भीर रहेको बताएकी छन् । संघीय संसद् भवन नयाँ बानेश्वरमा बिहीबार सञ्चारकर्मीसँग उनले सरकारले लघुवित्त, सहकारी र मिटरब्याजपीडितका समस्या समाधानका निम्ति आवश्यक पहल गरिरहेको बताएकी हुन् ।

उनले यसअघि आयोग नै बनाएर मिटरब्याजपीडितका समस्या समाधानको प्रयास भइरहेको उल्लेख गरिन् । अरू पीडितको समस्या पनि समाधान गरिने उनले प्रतिबद्धता जनाइन् । समस्याको यकिन गरेर समाधान गर्नुपर्ने उनको भनाइ छ ।

देशभरका मिटरब्याज र लघुवित्तपीडित अहिले काठमाडौंमा छन् । उनीहरूले लघुवित्त र वित्तीय संस्था खारेजीका साथै सामूहिक ऋण मिनाहा, कालोसूची तथा धितो लिलाम फुकुवा गर्नुपर्नेलगायत माग गरेका छन् । हिमालयन टेली भ्वाइस