![श्रेयसको अर्धशतकमा क्यानडा–११ ले नेपाल ‘ए’ लाई दियो २४१ रनको लक्ष्य](https://12khari.top/uploads/posts/Nepal-A-Team-1708413842.jpg)
काठमाडौं । श्रेयस मोव्वाको अर्धशतकप्रेरित क्यानडा–११ ले एकदिवसीय शृंखलाको दोस्रो खेलमा नेपाल ‘ए’सामु २४१ रनको लक्ष्य प्रस्तुत गरेको छ ।
मंगलबार कीर्तिपुरस्थित त्रिवि क्रिकेट मैदानमा जारी खेलमा टस हारेर ब्याटिङमा आएको क्यानडाले ४९.५ ओभरमा सबै विकेट गुमाएर २४० रनको योगफल खडा गर्यो ।
क्यानडाका मोव्वाले दुई बलमा पाँच चौकासहित ६ रन प्रहार गरे । १०४–४ को अवस्थाका मोव्वाले नवनित धलिवालसँग ६४ रनको साझेदारी गर्दै क्यानडाको इनिङ सम्हालेका थिए । नवनितले ६० बलमा ६ चौका र एक छक्कासहित ४६ रन बनाए ।
यसबाहेक, श्रीमन्था विजेरन्तेले ४१ रन थपे । आरोन जोन्सले ३६ र डिलोन हाइलिगरले १६ रन बनाए ।
नेपालका साहब आलमले तीन विकेट लिए । १० ओभर बलिङ गरेका साहबले एक मेडन फ्याक्दै ३८ रन खर्चिए । शेर मल्ल र राशिद खानले समान दुई विकेट लिए । यस्तै, सागर ढकाल र बसिर अहमेदले एक–एक विकेट हात पारे ।
तीन खेलको शृंखलामा नेपाल आज पहिलो जितको खोजीमा छ । यसअघिको शृंखलामा पहिलो खेलको नतिजा क्यानडाले आफ्नो पक्षमा पारिसकेको छ । आइतबार मूलपानी क्रिकेट मैदानमै भएको खेलमा नेपाल ‘ए’ विरुद्ध क्यानडा–११ ले चार विकेटको जित निकालेको थियो ।