काठमाडौं । नेपाल उद्योग वाणिज्य महासंघका अध्यक्ष चन्द्रप्रसाद ढकालले दुबईका व्यवसायीलाई तेस्रो लगानी सम्मेलनको निम्ता दिँदै नेपालमा लगानीको वातावरण बन्दै गएको बताएका छन् । दुबईमा आयोजित वल्र्ड गभर्मेन्टस् समिटलाई सम्बोधन गर्दै नेपालले आगामी वर्षको वैशाख १६ र १७ मा आयोजना गर्न लागेको लगानी सम्मेलनका बारेमा जानकारी दिएका हुन् ।

सरकारले निजी क्षेत्रको सहभागितामा नेपालमा लगानीको अनुकूल वातावरण बनाउन केही ऐन तथा नियमावलीमा संशोधनको प्रस्ताव गरेको उनले बताए । सरकारले द्विपक्षीय लगानी सम्झौताको ढाँचालाई अन्तिम रूप दिएको र सम्भावित साझेदार मुलुकसँग छिट्टै सम्झौता गर्ने जानकारी पनि ढकालले दिए ।

नेपालको अर्थतन्त्र विकासमा निजी क्षेत्रको भूमिकाका बारेमा पनि धारणा राखेका थिए । उनले नेपालको आर्थिक वृद्धि र विकासको सम्भावनाबारे भेलालाई जानकारी गराएका थिए ।