![युभेन्ट्स घरमै युडिनेससँग स्तब्ध](https://12khari.top/uploads/posts/ud-1707792169.jpg)
काठमाडौं । लौटारो जियानेट्टीको निर्णायक गोलप्रेरित युडिनेसले इटालियन सिरी ‘ए’ मा युभेन्ट्सलाई उसैको घरमा हराएको छ ।
सोमबार राति एलियन्ज रंगशालामा सम्पन्न खेलमा जियानेट्टीले २५औँ मिनेटमा गरेको गोल निर्णायक बन्दा युडिनेसले घरेलु टिमविरुद्ध १–० को साँघुरो जित निकालेको हो ।
युडिनेससँगको अप्रत्यासित हारले तालिकाको दोस्रो स्थानमा रहेको युभेन्ट्सलाई शीर्ष स्थानको इन्टरसँको अंक दूरी घटाउने लक्ष्यमा धक्का लागेको छ । २४ खेलबाट ५३ अंक जोडेको युभेन्ट्स तालिकाको दोस्रो स्थानमा छ । जुन शीर्ष स्थानको इन्टरभन्दा सात अंक कम हो । युभेन्ट्सभन्दा एक खेल कम खेलेको इन्टरले ६० अंक जोडेको छ ।
जितसँगै २४ खेलबाट २२ अंक जोडेको युडिनेस तालिकाको १५औँ स्थानमा उक्लिएको छ । युडिनेस सिरी ‘ए’ को रेलिगेसन क्षेत्रभन्दा तीन अंकले मात्र अघि छ । तालिकाको रेलिगेसन क्षेत्रमा संघर्षरत भेरोनाको २४ खेलबाट १९ अंक छ ।